Хөрөнгө оруулалтын стратеги
Урт хугацааны алсын хараатай стратеги
Бид хөрөнгө оруулалтын стратегиа урт хугацааны алсын хараатайгаар боловсруулсан. Портфельдоо хөрөнгө оруулалт сонгохдоо бид үргэлж:
- Хэт их эрсдэл хүлээлгүйгээр урт хугацааны тогтвортой өгөөжийг хамгийн их байлгах тэнцвэртэй, төрөлжсөн портфель бүрдүүлнэ;
- Эдийн засаг, зах зээлийн нөхцөл өөрчлөгдөхийн хэрээр стратегийн хөрөнгө оруулалт хийнэ;
- Хувьцааны эрсдэлийг зохистой түвшинд хүлээж, эдийн засгийн ерөнхий өсөлтөөс үр шим хүртэнэ.
Хөрөнгө оруулалтын зарчим
Амжилттай хөрөнгө оруулалтын дөрвөн тулгуур
ЗОРИЛГО
Зорилго тодорхойлох нь хөрөнгө оруулалтын стратегийн хамгийн чухал хэсэг юм. Тодорхой, хүрэх боломжтой зорилго нь амьдралын үе шат бүрт тохирсон стратеги боловсруулахад тусалж, зах зээлийн хэлбэлзэл ихтэй үед “шуугиан”-д автахаас сэргийлнэ.
ТЭНЦВЭР
Тэнцвэртэй портфель гэдэг нь бодит өгөөжийн таамаглалд үндэслэн, таны зорилгод нийцсэн хөрөнгийн хуваарилалтын стратеги юм. Стратеги нь боломжит өгөөж ба эрсдэлийн хооронд тэнцвэртэй, портфель өргөн төрөлжсөн байх ёстой.
ЗАРДАЛ
Хөрөнгө оруулалтын зардал бага мэт санагдавч олон жилийн турш нийлмэл байдлаар өсөхдөө портфельд мэдэгдэхүйц нөлөөлнө. Зардал бол таны хянаж чадах цорын ганц зүйл — шимтгэл бага байх тусам орлогын тань илүү их хэсэг танд үлдэнэ.
САХИЛГА БАТ
Урт хугацааны хэтийн төлөв, сахилга баттай хандлага нь богино хугацааны үйл явдалд хөтлөгдсөн, сэтгэл хөдлөлийн шийдвэрээс сэргийлнэ. Тогтмол хөрөнгө оруулж, түүнийгээ аажмаар нэмэгдүүлэх нь урт хугацаанд гайхалтай үр дүн өгдөг.
Үйл ажиллагааны чиглэл
Бидний үзүүлэх үйлчилгээ
Иж бүрэн хөрөнгө оруулалтын менежментийн компанийн хувьд бид харилцагчдынхаа санхүүгийн зорилгод нийцсэн гурван үндсэн чиглэлээр үйлчилгээ үзүүлдэг.
Хөрөнгө оруулалтын банк
Компаниудад хөрөнгө босгох, бизнесээ өргөжүүлэхэд нь зөвлөх үйлчилгээ.
- Хувьцаа болон өрийн хэрэгслээр санхүүжилт босгох
- Нэгдэх, нийлэх (M&A) хэлцлийн зөвлөгөө
- Бизнесийн үнэлгээ, санхүүгийн загварчлал
Хөрөнгийн удирдлага
Хөрөнгө оруулалтын сан болон харилцагчийн портфелийг идэвхтэй удирдах.
- Хөрөнгө оруулалтын сангийн удирдлага
- Харилцагчийн хувийн портфелийн удирдлага
- Хөрөнгийн хуваарилалт, эрсдэлийн удирдлага
Хөрөнгө оруулалтын судалгаа
Шийдвэр гаргалтыг дэмжих бие даасан, гүнзгий судалгаа.
- Макро эдийн засаг, салбарын судалгаа
- Компанийн үнэлгээ, хөрөнгө оруулалтын санал
- Зах зээлийн тогтмол тойм тайлан